बारा,३१बैशाखः दुर्गा प्रसाई नेतृत्वको नागरिक बचाऊ महाअभियानमा संलग्नहरुले बाराको कलैयामा रहेको एभरेष्ट बैंकको शाखा कार्यालयमा सोमबार ढुंगामुढा गरेका छन् ।
कलैयाको भरत चोकमा भेला भई त्यहाँबाट नाराबाजीसहितको प्रदर्शन गर्दै एभरेष्ट बैंक अगाडि पुगेका अभियानमा संलग्नहरुले बैंकमा ढुंगामुढा गरेका हुन् । त्यसक्रममा उनिहरुले बैंकका शाखा प्रबन्धकको पुत्ला दहन पनि गरेका थिए ।
एभरेष्ट बैंकले कर्जा र ब्याज भुक्तानीका लागि बारम्बार टर्चर दिएकै कारण बर्दियाका एक ऋणी श्रीराम चौधरीले हत्या गरेको, ब्याज र ऋणको किस्ता भुुक्तानीका लागि देशभरका एभरेष्ट बैंकले ऋणीहरुलाई मानसिक यतना दिइरहेको , ८ प्रतिशत ब्याज तिर्ने गरी ऋण लिएकोमा बढाएर अहिले २८ प्रतिशतसम्म पुरयाएकोले बैंक विरुद्ध आँफुहरुले सोमबार कलैयामा प्रदर्शन गरेको प्रदर्शनमा सहभागी बजरंग पासवानले बताए ।
उनले एभरेष्ट बैंक, गरिमा विकास बैंक लगायतका बैंक र अन्य लघुवित्त संस्थाहरुले बारामापनि ऋणीहरुलाई मानसिक यातना दिएका कारण हजारौं ऋणीहरु घर छाडेर पलायन हुनु परेको , कतिपयले आत्महत्या गर्ने सम्मको सोच बनाएकाले दुर्गा प्रसाई नेतृत्वको नागरिक बचाऊ महाअभियान आँफुहरु जोठिडएको बताए ।
अभियानले घोषणा गरेका आन्दोलनका सबै कार्यक्रममा आँफुहरु अझ सशक्त भएर लाग्नेपनि उनले बताए ।