श्याम सर्राफ
पर्सा, १६ असार
पर्सा प्रहरीले ४० के.जी. लागु औषध गाँजासहित २ जना लाई पक्राउ गरेको छ।
सूचना परिचालन र प्रहरी कारवाहीको सिलसिलामा हिजो विहान अन्दाजी ०१:०० बजे पटेर्वासुगौली गाउँपालिका वडा नं.२ मकवानी चौरीमा पक्राउ परेका हुन ।
ईलाका प्रहरी कार्यालय पटेर्वासुगौलीबाट खटिएको टोलीले शंकितरुपमा हिडिरहेका २ जना व्यक्तिहरुलाई रोकी जाँच गर्दा निजहरुले आफ्नो पिठ्यूँमा बोकी ल्याएका ३ वटा बोराभित्र लागु औषध गाँजा ४० के.जी. फेला परेको थियो ।
पक्राउ पर्नेमा मकवानपुर राक्सीराङ गाउँपालिका वडा नं.५ ताङराङ टोल बस्ने ४० वर्षिय बिर बहादुर प्रजा र मकवानपुर राक्सीराङ गाउँपालिका वडा नं.५ रानीबाङ टोल बस्ने २० वर्षिय सोमलाल प्रजा रहेका छन।
गाँजा बरामद गरी दुबै जनालाई नियन्त्रणमा लिई जिल्ला प्रहरी कार्यालय पर्सामा ल्याई लागु औषध सम्बन्धी कसुरमा अनुसन्धान अगाडि बढाइएको प्रहरीले जनाएको छ।