वीरगन्ज ४,फागुन:नेपाली बजारमा सोमबार सुनचाँदीको भाउ घटेको छ। आइतबार प्रतितोला २ हजार ३ सय रुपैयाँले बढेको सुनको मूल्य आज सोमबार ३ हजार रुपैयाँले घटेको हो।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३ लाख २ हजार ८ सय रुपैयाँ कायम गरिएको छ।आइतबार भने सुन प्रतितोला ३ लाख ५ हजार ८ सय रुपैयाँमा कारोबार भएको थियो।
त्यसैगरी, सोमबार चाँदीको मूल्य पनि घटेको छ। चाँदी प्रतितोला १ सय २५ रुपैयाँले घटेर ४ हजार ८ सय ६० रुपैयाँमा कायम भएको महासंघले जनाएको छ।
हिजो आइतबार चाँदी प्रतितोला ४ हजार ९ सय ८५ रुपैयाँमा कारोबार भएको थियो।
सुनचाँदीको मूल्यमा दैनिक उतारचढाव भइरहेकाले लगानीकर्ता तथा उपभोक्ताले बजारको अवस्थालाई ध्यान दिएर कारोबार गर्न व्यवसायीहरूले सुझाव दिएका छन्।