वीरगन्ज,२३कात्तिक: पर्साको पकाहाँ मैनपुर गाउँपालिका–२ मधुबनीमा पटाका पड्काउने क्रममा शरिरमा आगाेले पाेलेर घाइते भएका ८ वर्षीय बालकको मृत्यु भएको छ।मृत्यु हुनेमा मधुनबनीका रामगुलाम सहनीका छाेरा ८ वर्षीय छोरा कुन्दन सहनी रहेका छन्।
स्थानीयले दिएको जानकारी अनुसार साेमबार बिहान करिब ८ बजे घर अगाडि नै पटाका पड्काउने क्रममा कुन्दनको छातीमा आगोले पाेलेर गम्भीर घाइते भई बेहोस भएका थिए। तत्कालै उनलाई उपचारका लागि वीरगन्जस्थित तराई अस्पताल ल्याइएकोमा उपचारकै क्रममा उनको मृत्यु भएको मृतकका बुबा सहनीले बताएका छन्।
जिल्ला प्रहरी कार्यालय पर्साका प्रवक्ता एवं प्रहरी नायब उपरीक्षक चक्रबहादुर मल्लले भने साेमबार बिहान आफ्नै घर अगाडि पटाका पड्काउने क्रममा बालकको छातीमा पटाकाकाे छर्रा लागेर गम्भीर घाइते भएको र तराई अस्पतालमा उपचारका क्रममा उनकाे मृत्युु भएको जानकारी प्राप्त भएको बताए ।घटनाका बारेमा प्रहरीले अनुसन्धान गरिरहेको उनले बताए ।