मधेसखबर
वीरगन्ज,२३ कार्तिक : पर्सा क्षेत्र नम्बर २ का राप्रपाबाट प्रतिनिधि सभा सदस्यका उम्मेदवार नरेश कुमार साहले बुधबार व्रिगन्ज महानगरपालिका वडा नम्बर १ बजार पछपैयामा चुनावी घरदैलो गरेका छन् ।
वडा नम्बर १ बजार छपकैयामा चुनावी घरदैलो गर्न पुगेका उम्मेदवार साहलाई स्थानीय मतदाताहरुले स्वागत गर्दै हिन्दु राष्ट्र र राजतन्त्रको पुनःस्थापना तथा संघियता खारेजीको मूल नारा बोकेको राप्रपालाई नै मत दिने आश्वासन दिएका छन् ।
मतदाताहरुसंग भेट्दै राप्रपाका प्रतिनिधि सभा सदस्य उम्मेदवार साहले काँग्रेस , कम्युनिष्ट र मधेसी दलले जनतालाई ठगेको र देशलाई पनि कंगाल बनाएको भन्दै जनता अब सचेत हुनु पर्ने बताए ।उनले जबरजस्ति लादिएको संघीयताले देशको अर्थतन्त्र जर्जर अवस्थामा पुगेको र धर्मनिरपेक्ष राष्ट्र घोषणाले नेपालको पहिचान नै ओझेलमा परेकाले यी मुद्धा सम्बोधनका लागि राप्रपालाई मत दिन आग्रह गरे ।
उनले अहिले सम्म शासन सत्तामा रहेका दल र नेताहरुले भ्रष्टाचार गरेर देशलाइ कंगाल बनाउनु बाहेक केही नगरेको भन्दै अब भने ती भ्रष्टाचारी दल र नेताहरुको दिन सकिन लागेको बताए ।
चुनावी घरदैलो कार्यक्रममा प्रदेशसभा सदस्यका उम्मेदवार प्रमानन्द साह कानु , राप्रपाका नेता केपी शर्मा , युवा नेता विराज यादव , प्रशान्त दुवे लगायतको सहभागीता थियो ।