मधेसखबर
वीरगन्ज,२१जेठः मधेसखबर अनलाइन पत्रिकाकी सम्पादक माधुरी कुमारी महत्तो संघीय सरकारका अर्थमन्त्री जनार्दन शर्माबाट सम्मानित भएकी छन् ।
शनिबार वीरगन्ज उद्योग वाणिज्य संघको ४६ औं साधरणसभा समारोहमा अर्थमन्त्री शर्माले संघको तर्फबाट सम्पादक महत्तोलाइ गम्छा ओढाएर कदरपत्र प्रदान गर्दै सम्मानित गरेका हुन् ।महत्तो , सामुदायिक रेडियो नारायणी एफएमको समाचार प्रमुख र बिबिसी नेपाली सेवाको संवाददाता पनि हुन् ।
संघको साधरणसभाको उद्घाटन समारोहमा नेपाल टेलिभिजनका पर्सा संवाददाता विजय कुमार महत्तो , नेपाल पोष्ट डेलि अनलाइन पत्रिकाका सन्चालक मनोज पटेल , अनलाइन खबर अनलाइन पत्रिकाका सुरेश बिडारी , ग्यालेक्सी टेलिभिजनका संवाददाता जियलाल साह , एभिन्युज टेलिभिजनकी संवाददाता मुस्कान श्रेष्ठ र ब्रेकलिंक अनलाइनकी संवाददाता विमला गुप्ता, यात्रा डेली अनलाइन पत्रिकाका सुर्य शुभचिन्तकलाइ पनि अर्थमन्त्री शर्माले संघको तर्फबाट सम्मानित गरेका छन् ।
वीरगन्ज उद्योग वाणिज्य संघका अध्यक्ष डाक्टर सुबोध गुप्ताको अध्यक्षतामा भएको उद्घाटन समारोहमा प्रदेशका मन्त्री ओम प्रकाश शर्मा , पर्साका सांसद प्रदीप यादव, प्रदेशसभा सदस्य विभा यादव , वीरगन्जका मेयर राजेशमानन सिंह , जितपुर सिमरा उपमहानगरका मेयर राजन शर्मा पौडेल , संघका पुर्व अध्यक्षहरु गोपालल केडिया , गणेश लाठ , नेपाल पत्रकार महासंघका केन्द्रिय सचिव दिपेन्द्र चौहान लगायतको पनि उपस्थिती थियो ।
