वीरगन्ज, १३ वैशाख : पर्सामा अवैध रूपमा ओसारपसार हुँदै गरेको काठसहितको एउटा ट्याक्टर सबैया सब डिभिजन वन कार्यालयले नियन्त्रणमा लिएको छ ।
वीरगन्ज महानगरपालिका वडा नम्बर ३१ स्थित मिलन चोकमा सबैया सब डिभिजन वन कार्यालय र सबैया साझेदारी वन उपभोक्ता समूहको संयुक्त गस्ती टोलीले आईतबार बिहान सालकोे काठसहित प्रदेश २– ०३–००१ त १५७५ नम्बरको ट्याक्टरलाई नियन्त्रणमा लिएको हो । काठ र ट्याक्टरसंगै वीरगन्ज महानगरपालिका वडा नम्बर २९ मुसौलीका कृष्ण प्रसाद साहलाई पनि नियन्त्रण लिइएको छ ।
बरामद गरिएको २४ फिट काठ र ट्याक्टर सहित कुल १५ लाख रुपैयाँको मुल्यांकन गरी आवश्यक कारबाहीका लागि डभिजन वन कार्यालय पर्सामा पठाइएको सबैया सब डिभिजन वन कार्यालयका रेन्जर भुपाल रोकायले जनकारी दिए।