काठमाडौं,३२जेष्ठःसंघीय सरकारका स्वास्थ्य तथा जनसंख्यामन्त्री प्रदीप यादवले चितवनको भरतपुरस्थित बिपी कोइराला मेमोरियल क्यान्सर अस्पतालमा आवश्यक जनशक्ति थप्नुका साथै उपकरण खरिदका लागि बजेटको व्यवस्थापन गर्ने प्रतिबद्धता जनाएका छन् ।
शुक्रबार अस्पतालको अनुगमन गरेपछि अस्पताल सञ्चालक समितिका पदाधिकारी र स्वासथ्यकर्मीसंग छलफल गरेका मन्त्री यादवले उक्त पप्रतिबद्धता जनाएका हुन् । उनले क्यान्सर अस्पतालबाटट भइरहेको सेवा प्रवाहलाई अझ चुस्त बनाउन निर्देशनपनि दिए ।जनशक्ति र उपकरण अभावको समस्या मन्त्रालयले सम्बोधन गर्ने भन्दै मन्त्री यादवले बिरामीको उपचारमा कुनै लापरवाही नगर्न चिकित्सक र स्वास्थ्यकर्मीहरुलाई निर्देशनपनि दिए ।
त्यसअघि मन्त्री यादवले अस्पतालमा उपचार गराइरहेका बिरामी र सेवाग्राहीहरुलाई अस्पतालका विभिन्न वार्डमै पुगेर उनिहरुको गुनासा सुनेका थिए ।अनुगमनै क्रममा अस्पतालको फार्मेसीमापनि पर्याप्त औषधि उपलब्ध नरहेको अवस्था रहेको भन्दै यादवले त्यसकालागिपनि अस्पताल सञ्चालक समितिका पदाधिकारी र चिकित्सकलाई निर्देशन दिए ।
नेपालकाासाथै छिमेकी मुलुक भारतबाट समेत बिरामीहरु उपचारका लागि आउने भरतपुर क्यान्सर अस्पताललाई पूर्ण रूपले सबल बनाउनका लागि आँफु र मन्त्रालयले कुनैपनि कसर बाँकी नराख्ने मन्त्री यादवले अनुगमनका क्रममा बताए ।