वीरगन्ज,१३माघः बाराको परवानीपुर गाँउपालिका वडा नम्बर ५ बहुअरीमा शनिबार आयोजित निशुल्क स्वास्थ्य शिविरबाट १७२ जनाले लाभ लिएका छन् । डाक्टर्स क्लबको सहयोगमा द लिटील लाईट र वीरगन्ज सामुदायिक केन्द्रले आयोजना गरेको निशुल्क आँखा तथा दन्त शिविरमा १७२ जनाको चेकजाँच गरिएको हो ।
शिविरमा जेकजाँच गराएकाहरुलाई वीरगन्ज सामुदायिक केन्द्रको अर्थोडोन्टिक सेन्टरमा जाँदा चश्मा र दन्त उपचारमा २० प्रतिशतसम्म छुट दिने पनि सुविधा उपलब्ध गराइने वीरगन्ज सामुदायिक केन्द्रका चिकित्सक डाक्टर प्रभात चौरसैयाले बताएक । साथै परीक्षण गराएकहरुलाई शिनुल्क औषधी र हाईजिङ किट ब्याग वितरण गरिएको द लिटिल लाइटका कृष पटेलले बताए ।
नेपाली कांग्रेसका युवा नेता लोकेश सिंहको प्रमुख आतिथ्यतामा भएको शिविरमा नेपाल तरुण दलका केन्द्रिय सदस्य राजकिशोर गुप्ता, युवा नेता दीपक कुमार साह लगायतकोपनि उपस्थिती थियो ।