वीरगन्ज,१६कार्तिक:पर्साकाे एक मुसहरबस्तीका दलित बालबालिकालाई अमेरिकी संस्थाले सहयाेग गरेकाे छ ।सखुवा प्रसाैनी गाँउपालिका वडा नम्बर ३ काैवाबनकाे मुसहरबस्तीका १ सय २० जना दलित बालबालिकालाई
हेल्प फर डेस्पेरेट एण्ड निड़ी पिपुल अन्तर्राष्ट्रिय (एचडीएनपी इन्टरनेसनल )अमेरिकाले शैक्षिक र खाद्य सामग्री सहयाेग गरेकाे हाे ।
बिहीबार संस्थाका देवी डेवीड आचार्यले मुसहरबस्तीमै पुगेर दलित बालबालिकालाई कापी,कलम, सिसाकलम , बिस्कुट र चाउचाउ प्रदान गरे ।
शिक्षामा दलित समुदायका बालबालिकाको पहुँच बढाउन र उनिहरुलाई विद्यालयमा टिकाउने उदेश्यले शैक्षिक सामग्रीका साथै खाने कुरापनि वितरण गरेकाे संस्थाका अध्यक्ष आचार्यले बताए ।
सन् २०१२ मा अमेरिकामा स्थापना गरिएको एचडीएनपी इन्टरनेसनल संस्थाले स्थापना कालदेखिनै अमेरिकाको टेक्सासमा घरबार बिहिन र मागेर जीविका चलाउने दुखीहरूलाई त्रैमासिक रूपमा खाना खुवाउँदै आई रहेको उनले जानकारी गराए। यसका साथै नेपालकापनि विभिन्न जिल्लामा दलित समुदायलाई आर्थिक सहयोग , अति विपन्नलाई खाद्यान्न र दलित बालबालिकालाई शैक्षिक सामाग्रीहरु सहयाेग गर्दै आएकाे उनले बताए ।
आचार्यले पर्साका दलितबस्तीका बालबालिकाका अभिभावकहरुको जिविकोपार्जनको लागि पनि सहयाेग गर्ने वाचा गरे ।
त्यसअवसरमा पर्सामा करिब १ हजार दलित बालबालिकालाई नि:शुल्क ट्युसन पढाउँदै आएको पिसफोर दलितस फाउन्डेसन नेपाल पर्साले एचडीएनपी इन्टरनेसनल अमेरिकाका अध्यक्ष आचार्यलाइ सम्मानपत्र प्रदान गरी सम्मानित गरेको थियाे ।
दलित अभिभावक संघ पर्साकी अध्यक्ष उर्मिला देवी मुसहरकाे अध्यक्षतामा भएकाे कार्यक्रममा हेल्प फर डेस्पेरेट एण्ड निड़ी पिपुल अन्तर्राष्ट्रिय फाउन्डेसनका सदस्य पारमानन्द राम, सुरेन्द्र पासवान, सन्जोग राम , संगीता देवी मुसहर , अशोक राम लगायतकोपनि सहभागीता रहेकाे पिस फोर दलित फाउन्डेसन नेपालका अध्यक्ष मनोज रामले जानकारी दिए।