काठमाडौं,२३माघः आईसीसी मेन्स अन्डर–१९ विश्वकप क्रिकेट २०२६ को उपाधि भारतले जितेको छ । शुक्रबार भएको फाइनल खेलमा इंग्ल्यान्डलाई हराउँदै भारतले छैंटौं पटक विश्वकपको उपाधि जितेको हो ।
जिम्बाबेको हरारेस्थित हरारे स्पोट्र्स क्लबमा शुक्रबार भएको फाइनल खेलमा भारतले इंग्ल्यान्डलाई १०० रनले पराजित गर्दै उपाधि जित्यो।
वैभव सूर्यवंशीको १७५ रनको विस्फोटक इनिङ्सको मद्दतले भारतले इंग्ल्यान्डलाई ४१२ रनको विशाल लक्ष्य दिएको थियो । लक्ष्य पछ्याउने क्रममा इंग्ल्यान्डको टोली ४०.२ ओभरमा ३११ रनमै अलआउट भयो । यससँगै भारतले कीर्तिमानी छैटौँ पटक अन्डर–१९ विश्वकपको उपाधि हात पारेको हो ।