बारा,१२जेठःबाराको प्रसौनी गाँउपालिका वडा नम्बर ५ प्रस्टोकास्थित नेपाल राष्ट्रिय माध्यमिक विद्यालय परिसरमा चार कोठे भवन निर्माण गर्न थालिएको छ । सोमबार मधेस प्रदेशका पूर्वमन्त्री एंव लोसपाका मधेस प्रदेश अध्यक्ष जितेन्द्र सोनलले भवनको शिलान्यास गरेका हुन् ।
मधेस प्रदेश सरकारको २५ लाख रुपैयाँको लागतमा विद्यालयमा थप चार कोठे भवन निर्माण गर्न थालिएको विद्यालयका प्रधानाध्यापक नगनारायण साहले जानकारी दिए ।
शिलान्यास कार्यक्रममा गाँउपालिकाका पूर्वअध्यक्ष भोला गुप्ता, पूर्वउपाध्यक्ष गीता देवी साह,लोसपाका युवा नेता प्रमोद साह ,रामजतन सहनी, नवल साह , जय प्रकाश दास , रमेश साह ,वीरेन्द्र साह, दिलिप साह ,सोनु साह,बृजकिशोर साह लगायतकाकोपनि उपस्थिती रहेको थियो ।