वीरगन्ज,५असोजःवीरगन्ज–११ श्रीपुरमा शनिबार दूर्गा पूजा सेवा समितिले आयोजना गरेको रक्तदान कार्यक्रममा ५६ जनाले रगत दान गरेका छन् ।
श्री नवरात्री महोत्सवको उपलक्ष्यमा श्रीपुरको जानकी मन्दिर परिसरमा आयोजित रक्तदान कार्यक्रममा ५ महिलासहित ५६ जनाले रगत दान गरेको रक्त सञ्चार केन्द्र वीरगन्जका प्राविधिक प्रमुख सौरभराज पाण्डेले जानकारी दिए । उनका अनुसार रगतदान गर्नेहरुमा आंशुकुमारी पटेल,सिम्रन मण्डल,आयुष वर्यावाल, माधव साह,रीनादेवी, पुष्पा गिरी, रितु मण्डल, विक्की साह,सन्नी साह, राजदेव साह,सुनिल महतो कहार लगायतका रहेका छन् ।
वीरगन्ज महानगरपालिकाका मेयर राजेशमान सिंहको प्रमुख आतिथ्यतामा भएको रक्तदान कार्यक्रममा नेकपा एमालेका नेता सुन्दर कुर्मी,दुर्गा पूजा सेवा समितिका पदाधिकारी,सदस्य,स्थानीय समाजसेवी लगायतकोपनि सहभागीता रहेको थियो ।