वीरगन्ज, ३ चैत : वीरगन्ज हेल्थ केयर हस्पिटलको आर्थिक सहयोगमा सशस्त्र प्रहरीले पर्साको विभिन्न स्थानमा रहेका चार जना अपांगता भएका व्याक्तिहरुलाई ह्वील चेयर वितरण गरेको छ ,।
सशस्त्र प्रहरी बल नम्बर १३ गण हेड क्वार्टर पर्साका सशस्त्र प्रहरी उपरीक्षक मोहन बहादुर क्षेत्रीले अपांगता भएका व्याक्तिहरुको घरमै पुगेर ह्वील चेयर प्रदान गरेका हुन् ।
जिराभवानी गाउँपालिका वडा नम्बर १ पकडीटोलका ६२ वर्षीय प्रेम चौधरी,वडा नम्बर २ सेढवाका ३५ वर्षीय विनोद दास थारु, धोबनी गाउँपालिका वडा नम्बर ५ धोबनीका ४२ वर्षीय मनबोध चौधरी मलाह र बिन्दबासिनी गाउँपालिका–३ झौवा निवासी १० वर्षीय आलोक कुमार रामलाई उनिहरुको घरमै पुगेर ह्वील चेयर प्रदान गरिएको सामाजिक अभियन्ता प्रकाश थारुले जानकारी दिए ।
ह्विलचेयर हस्तान्तरण कार्यक्रममा सशस्त्र प्रहरी उपरीक्षक क्षेत्री, सामाजिक अभियन्ता थारु, सम्बन्धित वडाका वडाध्यक्ष, रामसुरत प्रसाद कुर्मी, औरंगजेब अहमद लगायतकाको पनि उपस्थिति रहेको थियो।