वीरगन्ज,२८कार्तिक:आइसीसी एकदिवसीय विश्वकप क्रिकेटमा भारत र न्युजिल्यान्डबिचकाे पहिलाे सेमिफाइनल खेल भाेलि बुधबार हुदैंछ।
दोस्रो सेमिफाइनल खेल दक्षिण अफ्रिका र अस्ट्रेलियाबिच पर्सि बिहीबार कोलकोताको इडेन गार्डेनमा हुनेछ।
भारत र न्युजिल्यान्डबिचको पहिलाे सेमिफाइनल खेल नेपाली समय भोलि दिउँसो २. १५ बजेदेखि सुरु हुनेछ ।उक्त खेल मुम्बईको वानखडे क्रिकेट मैदानमा हुनेछ ।
भारतले जारी खेलमा शतप्रतिशत ९ वटै खेल जितेर सेमिफाइनलमा स्थान बनाएको हो भने न्युजिल्यान्डले ९ खेलमा ५ जित र ४ हारका साथ १० अंक जोडेर चौथो हुँदै सेमिफाइनलमा पुगेको हो।
जारी विश्वकपकै लिग चरणमा भारतले न्युजिल्यान्डलाई ४ विकेटले हराएको थियाे ।चार वर्ष अगाडिको विश्वकपमा भने भारतलाई न्युजिल्याण्डले १८ रनले हराउँदै सेमिफाइनलमै रोकिएको थियो।
भारत र न्युजिल्यान्डबिच विश्वकप क्रिकेटमा अहिलेसम्म ९ पटक खेल भएकोमा ५ पटक न्युजिल्यान्डले जित्दा भारतले ४ पटक जित हात पारेको छ।
भारतले दुई पटक विश्वकप जितेको छ भने न्युजिल्यान्डले अहिलेसम्म विश्वकपको उपाधि जित्न सकेको छैन।