मधेसखबर
वीरगन्ज,६ फागुन : पर्साको सखुवाप्रसौनी गाँउपालिका वडा नम्बर २ औराहा पन्चगावामा शनिबार देखि शुरु प्रथम सखुवाप्रसौनी क्रिकेट टुर्नामेन्टमा बाराको परवानी गाँउपालिकाले विजयी शुरुवात गरेको छ ।
शनिबार भएको उद्घाटन खेलमा सखुवाप्रसौनी गाउँपालिकालाई ३३ रनले पराजित गर्दै परवानीपुर गाँउपालिकाले प्रतियोगितामा विजयी शुरुवात गरेको हो । १५२ रनको लक्ष्यका साथ जवाफी व्याटिंगमा उत्रिएको सखुवाप्रसौनीले ११८ रन मात्र बनाएपछि खेल परवानीपुरले जितेको हो ।
प्रतियोगितामा आईतबारो खेल पर्साको कालीकामाई गाउँपालिका र वीरगन्ज महानगरपालिका वडा नम्बर २६ बिच हुनेछ । प्रतियोगितामा पर्सा र बाराका गरि ८ वटा पालिकाका टिमले सहभागीता जनाएको स्थानीय सन्चारकर्मी रामकिशोर चौधरीले जानकारी दिए ।
शनिबार प्रतियोगिताको उद्घाटन पूर्व प्रदेशसभा सदस्य मन्जुर अन्सारीले गरेका थिए । उद्घाटन समारोहमा सखुवाप्रसौनी गाँउपालिकाकाको वडा नम्बर १ का वडाध्यक्ष बासुदेव महतो थारु,वडा नम्बर २ का वडाध्यक्ष चिरञ्जिवी महतो थारु, वडा नम्बर ३ का वडाध्यक्ष मोजामील मियाँ अन्सारी ,वडासदस्य छोटेलाल पसवान, समाजसेवी अनिरुद्र पटेल लगायतको उपस्थिति रहेको थियो ।