काठमाडौं,२९माघ : सरकारले माओवादीको जनयुद्ध दिवसमा भोलि फागुन १ गते सार्वजनिक विदा दिने निर्णय गरेको छ ।
आइतबार दिउँसो बसेको संघीय सरकारको मन्त्रिपरिषदको बैठकले फागुन १ गते जनयुद्ध दिवसका रूपमा सार्वजनिक विदा दिने निर्णय गरेको हो।
विक्रम संवत २०५२ साल फागुन १ गतेबाट सुरू भएको जनयुद्ध २०६३ मंसीर ५ गते विस्तृत शान्ति सम्झौतामा रूपान्तरण भएको थियो। जनयुद्धको नेतृत्वकर्ता पार्टी माओवादी केन्द्रले प्रत्येक वर्ष फागुन १ गतेलाई जनयुद्ध दिवसको रूपमा मनाउँदै आएको छ।
परिवर्तनका पक्षमा भएका सबै आन्दोलन र क्रान्तिहरूको सम्मानमा सार्वजनिक विदा दिने निर्णय गरिएको सरकारले जनाएको छ ।
यसअघि पुस २७ लाई राष्ट्रिय एकता दिवसका रूपमा सरकारले सार्वजनिक विदा दिएको थियो।