प्रमोद यादव
पर्सा, ०५ असोज : पर्साको पटेर्वासुगौली गाउँपालिकामा बुधबार किशोरी शिक्षा कार्यक्रम प्रभावकारी बनाउनका लागि एक दिने अन्तरकृया कार्यक्रम सम्पन्न भएको छ ।
पटेर्वासुगौली गाउँपालिका ५ निचुटा स्थित नेपाल राष्ट्रिय माध्यमिक विद्यालयको सभाकक्षमा समाजिक संस्था जिल्ला समन्वय समिति पर्साले आयोजना गरेको कार्यक्रममा सखुवाप्रसौनी,पटेर्वासुगौली र जिराभवनी गाउँपालिकाका गरि २८ जना प्रधानाध्यापकहरुको सहभागिता थियो ।
विद्यालय बाहिर रहेको किशोरीहरुलाई ९ महिना किशोरी शिक्षा केन्द्रबाट पढाएर विद्यालय भर्ना गराइएको र उनीहरु नियमित विद्यालय नआउने गरेको बारेमा नियमित अनुगमन गर्ने गरिएको बारेमा कार्यक्रममा गराइएको थियो ।
यस्तै कतिपय बालबालिका विद्यालय बिचमै छाड्ने गगरेकाले उनिहरुलाइ शिक्षाबाट बन्चित हुन नदिन र सबैलाई विद्यालयको पहुँच सम्म राख्न समुदाय ,विद्यालय, प्रधानाध्यापक र सम्बन्धित पालिकाले प्रमुख भुमिका रहेकाले सबैले आ आफ्नो जिम्मेवारी पूरा गर्नु पर्ने शिक्षा विकास तथा समन्वय ईकाई कार्यालय पर्साका शिक्षा अधिकारी फत्ते बहादुर श्रेष्ठले बताउनु भयो ।
कार्यक्रममा पटेर्वासुगौली गाउँ पालिकाकाका शिक्षा शाखा प्रमुख शम्भु साह, जिराभवानी गाउँपालिकाका शिक्षा शाखा प्रमुख जितेन्द्र मिश्रा, एनजीओसिसि पर्साका कोषाध्यक्ष विनोद यादवको पनि सहभागीता थियो ।