फोटो : राष्ट्रसन्देशबाट
मधेसखबर
वीरगन्ज,२२ भदौं : वीरगन्जमा बच्चा चोर्न आएको आशंकामा तीन भारतीय महिलालाइ स्थानीयले नियन्त्रणमा लिएर प्रहरीमा बुझाएका छन् ।
वीरगन्ज महानगरपालिका वडा नम्बर १ बजार छपकैयाबाट स्थानीयले तीन भारतीय महिलालाइ नियन्त्रणमा लिएर प्रहरीमा बुझाएका हुन् ।
वडा प्रहरी कार्यालय वीर्ताका प्रहरी निरिक्षक विशाल मल्लका अनुसार , बुधबार बिहान ९ बजे तिर बजार छपकैयाका स्थानीय एक व्याक्तिको घरमा छिरेका ती महिलाहरुलाइ बच्चा चोर्न आएको आशंकामा स्थानीयले नियन्त्रणमा लिएर प्रहरीको जिम्मा लगाएका हुन् ।
भारत बिहारको पश्चिमी चम्पारण जिल्लाकोे नरकटीयागन्जको पकडी ढाला घर भएका अन्दाजी ५०÷५५ बर्षिया सयरी खातुन , मयरुन नेशा र छतौटी खातुनलाइ स्थानीयले नियन्त्रणमा लिएर प्रहरीमा बुझाएको प्रहरी निरिक्षक मल्लले जानकारी दिए ।
स्थानीयले तीनै जना भारतीय महिलाले घरमा छिरेर बच्चा चोर्ने प्रयास गरेको आरोप लगाएपनि उनिहरुले बच्चा चार्ने प्रयास गरेको यथेष्ट प्रमाण भने ननभेटिएको प्रहरी निरिक्षक मल्लले बताए ।
वडा प्रहरी कार्यालयको हिरासतमा रहेका तीनै जना महिलाले आफुहरु बच्चा चोर्न नभइ औंठीमा जडान गरिने पत्थर , जन्तर र जडिबुटी बेच्न वीरगन्ज आएको बयान दिएको मल्लले जानकारी दिए ।
मल्लले भने ,‘ स्थानीयको घरमा शंकास्पद अवस्थामा घरमा पसेको देखिएकाले तीनै जना महिलालाइ प्रहरी हिरासतमा राखेर थप अनुसन्धान गरिरहेका छौ ।