मधेसखबर
वीरगन्ज , २१ साउन : पर्साको ठोरी गाउँपालिका वडा नंबर ३ मा पर्ने शिकारीवासमा फेरि जंगली हात्तीले उपद्रो मच्चाएको छ ।
जंगलको बिच रहेको शिकारीवासमा शुक्रबार राति जंगली हात्तीले उपद्रो मच्चाउदै खेतमा रोपिएको धान खेतीमा क्षति पुरयाएको छ ।चितवन राष्ट्रिय निकुञ्ज जंगलबाट आएको हात्तीको बथानले स्थानीय कृषक अशोक चौधरीको १० कठ्ठामा रोपिएको धानबाली खाएर तथा कुल्चेर नष्ट गरि दिएको हो । चौधरीले आफु शनिबार बिहान खेतमा घुम्न जाँदा हात्तिले धानबाली नष्ट पारेको थाहा पाएको बताए ।
दुई दिन देखि लगातार चितवन राष्ट्रिय निकुञ्जबाट आएका हात्तीले त्यहा किसानको धानखेतमा उपद्रो मच्चाउदै आएका छन् ।