काठमाडौं,२०चैतः एसईईको प्रश्नपत्र आउट गरी चिट चोराएको आरोपमा रौतहटमा तीन जना पक्राउ परेका छन् ।
पक्राउ पर्नेमा रौतहटको गरुडा नगरपालिका–७ का १८ वर्षीय चन्दन पटेल, रौतहटकै वृन्दावन नगरपालिका–७ का २० वर्षीय रोहितकुमार पटेल र सर्लाहीको बलरा नगरपालिका–८ का १८ वर्षीय धीरज साह छन् ।
उनीहरूले आज (शुक्रबार) नेपाली विषयको परीक्षामा प्रश्नपत्र आउट गरी चिट चोराएको आरोप छ । उनीहरूमाथि इलाका प्रहरी कार्यालय गरुडाले अनुसन्धान अघि बढाएको छ ।