वीरगन्ज,४ वैशाख : पर्सा जिल्लाका तीन वटा पालिकामा प्रमुख प्रशासकीय अधिकृत परिवर्तन गरिएको छ । संघीय मामिला तथा सामान्य प्रशासन मन्त्रालयले पर्साको पोखरिया नगरपालिका, बहुदरमाई नगरपालिका र कालिकामाई गाउँपालिकामा नयाँ प्रमुख प्रशासकीय अधिकृत खटाएको हो।
मन्त्रालयले गृह मन्त्रालयमा कार्यरत उपसचिव शेखर पौडेललाई पोखरिया नगरपालिकामा, उद्योग, वाणिज्य तथा आपूर्ति मन्त्रालयमा कार्यरत उपसचिव रमेश अधिकारीलाई बहुदरमाई नगरपालिकामा र कालिकामाई गाउँपालिकामा केशव कुमार अधिकारीलाई प्रमुख प्रशासकीय अधिकृतमा पठाएको हो ।
मन्त्रालयले गत चैत ३० गतेको निर्णयअनुसार २१ जना उपसचिव र ६ जना शाखा अधिकृतको एकैपटक सरुवा गरेकोमा पर्साका तीन पालिकामा नयाँ प्रमुख प्रशासकीय अधिकृत खटाइएको संघिय मामिला तथा सामान्य प्रशासन मन्त्रालयले जनाएको छ ।