वीरगन्ज,२१माघःलेखक तथा साहित्यकार दिनेश गुप्ताले भोजपुरी साहित्यमा नयाँ प्रतिभालाई प्रोत्साहित गर्ने उद्देश्यले ‘दिनेश गुप्ता प्रतिभा पुरस्कार’ को घोषणा गरेका छन् । भोजपुरी, नेपाली र हिन्दी भाषामा करिब एक दर्जन पुस्तकहरु प्रकाशित गरिसकेका लेखक गुप्ताले भोजपुरी साहित्य क्षेत्रमा सक्रिय लेखक र कविहरूलाई प्रेरित गर्न ‘दिनेश गुप्ता प्रतिभा पुरस्कार’ दिने घोषणा गरेका हुन् ।
गुप्ताले भने,‘साहित्यले मलाई जसरी पहिचान दिएको छ त्यसको ऋण तिर्न यो सानो प्रयास गरेको छ। मेरो तर्फबाट भोजपुरी साहित्यमा योगदानका रुपमा लिएको छु।’
पुरस्कार प्रदान गरिने व्यक्तिको चयन प्रक्रिया पारदर्शी र निष्पक्ष राख्न विशेष ध्यान दिइएको र विजेताहरूको छनोट तीन सदस्यीय साहित्यिक विद्वानहरूको टोलीद्वारा गरिने उनले बताए । उनले भने भने,‘चयन केवल लेखनको गहिराइ, नवीनता, सामाजिक सन्देश र संवेदनशीलताका आधारमा हुनेछ।’
पुरस्कारको शुभारम्भ फागुन भित्रै गरिने जानकारी दिदैं उनले यसले भोजपुरी साहित्यमा एउटा नयाँ ऊर्जा थप्ने विश्वास लिएको बताए ।