वीरगन्ज, ७ असार : वीरगन्ज महानगरपालिकाले माईराम पोखरी (चिल्डे«न पार्क) को पश्चिमतर्फ अतिक्रमण गरेर निर्माण गरिएका संरचना हटाउने कार्र्य फेरि सुरु गरेको छ ।
चिल्ड्रेन पार्क निर्माण गरिएको स्थानमा गरिएको अतिक्रमण महानगरले गत फागुन १६ गतेबाट हटाउन थालेकोमा केहि दिन रोकिएको थियो ।बिहीबारबाट फेरि महानगरले अतिक्रमण गरिएका संरचना डोजर लगाएर हटाउन थालेको हो । यस अघि महानगरले पार्कको पूर्वतर्फको अतिक्रमित संरचना हटाएको थियो ।गएको फागुन १६ गतेबाट अतिक्रमण हटाउन थालेको महानगरले अतिक्रमित संरचना हटाउन विभिन्न समयमा डोजर चलाउँदै आएको छ ।
अतिक्रमण गरेर निर्माण गरिएका संरचना हटाउन स्थानीयले पटक पटक समय मागे पनि मागेको समयमा संरचना नहटाएपछि बिहीबारबाट पुनः डोजर लगाएर हटाउन लागिएको हो ।बिहीबार ३ वटा संरचना डोजर लगाएर हटाइएको महानगरपालिकाको भौतिक पूर्वाधार अतिक्रमण नियन्त्रण समितिका संयोजकसमेत रहनुभएका वडा नम्वर ५ का वडाध्यक्ष प्रदीप कुमार चौरसियाले बताए ।महानगरले अतिक्रमण हटाउन नापजाँच गरेर चिह्न लगाइसकेको छ ।
महानगरका मेयर राजेशमान सिंहको निर्देशनमा अहिले महानगरका ३२ वटै वडामा अतिक्रमण गरि निर्माण गरिएका संरचना हटाउनुका साथै सार्वजनिक ऐलानी जग्गा खोजी गर्ने क्रम जारी रहेको छ ।