वीरगन्ज,३०पुसः नेपाली बजारमा सुनको मूल्यमा फेरि भारी वृद्धि भएको छ । चार दिनको अन्तरालमा सुन र चाँदी दुवैको मूल्यमा तीव्र वृद्धि भएको हो ।
नेपाल सुनचाँदी व्यवसायी महासंघका अनुसार आज (बुधबार) एक तोला सुनको मूल्य २ लाख ७८ हजार रुपैयाँ कायम भएको छ ।यस्तै चाँदी पनि तोलाको मूल्य ५ हजार ६५५ रुपैयाँ कायम भएको छ ।
यसअघि हिजो (मंगलबार) एक तोला सुनको मूल्य २ लाख ७६ हजार ५०० रुपैयाँ र एक तोला चाँदीको मूल्य ५ हजार ३४० रुपैयाँ थियो ।
गत आइतबार प्रतितोला २ लाख ७० हजार ६०० रुपैयाँमा कारोबार भएको छापावाला सुन हिजो तोलामा ४ हजार १०० रुपैयाँले बढेर २ लाख ७४ हजार ७०० रुपैयाँ कायम भएको थियो ।
यसैगरी, चाँदीको मूल्य पनि बढेको छ । आइतबार प्रतितोला चार हजार ९९० मा खरिदबिक्री भएको एक तोला चाँदी हिजो पाँच हजार १९५ मा किनबेच भएको थियो ।
अमेरिकी डलरको उतारचढाव तथा विश्वव्यापी आर्थिक अनिश्चितताका कारण स्थानीय बजारमा सुनचाँदीको मूल्य बढेको व्यवसायीहरूले बताएका छन् ।