काठमाडौं,६कात्तिक : अष्ट्रेलियाले भारतलाई दुई विकेटले पराजित गर्दै तीन खेलको एकदिवसीय शृंखला २–० ले जितेको छ।
अष्ट्रेलियाकाे एडिलेडमा बिहीबार भएको दाेस्राे खेलमा पहिले ब्याटिङ गरेको भारतले अष्ट्रेलियालाई २६५ रनको लक्ष्य दिएको थियो।उक्त लक्ष्य अष्ट्रेलियाले ४६.२ ओभरमा ८ विकेट गुमाउँदै पूरा गर्यो।
अस्ट्रेलियाका लागि म्याट शर्टले सर्वाधिक ७४ रन बनाए। त्यसपछि कुपर कोनेलीले ६१, मिचेल ओवेनले ३६ र म्याट रेनशले ३० रन बनाए।
भारतका लागि वासिङ्टन सुन्दर र हर्षित राणाले दुई–दुई विकेट लिए भने अर्शदीप सिंह र अक्षर पटेलले एक–एक विकेट लिए।
पहिले ब्याटिङ गर्दै भारतले ९ विकेट गुमाएर २६४ रन बनाएको थियो। रोहित शर्माले सर्वाधिक ७३ रन बनाए भने श्रेयस अय्यरले ६१, अक्षर पटेलले ४४ र हर्षित राणाले २४ रन बनाए।
तेस्रो तथा अन्तिम एकदिवसीय खेल अक्टोबर २५ मा सिड्नी क्रिकेट मैदानमा खेलिनेछ।