झापा,३०असोजःझापाको गौरादह नगरपालिका–९ स्थित सिस्ने खोलामा माछा मार्ने क्रममा डुबेर बिहीबार दिउँसो ३ जना बालिकाको मृत्यु भएको छ ।
जिल्ला प्रहरी कार्यालय झापाका अनुसार, मृत्यु हुनेमा स्थानीय अञ्जु मगरका दुई छोरी सात वर्षीया सुष्मा, नौ वर्षीया स्वीकृति र निर्मला परियारकी छोरी ११ वर्षीया रोशनी परियार रहेका छन् ।
प्रहरीले घटनास्थलमा पुगेर अनुसन्धान गरिरहेको जिल्ला प्रहरी कार्यालय झापाले जनाएको छ । रासस