बारा,३असोजःसंविधान दिवसका अवसरमा बारामा शुक्रबार आयोजित रक्तदान कार्यक्रममा ५४ जनाले रक्तदान गरेका छन् ।जीतपुरसिमरा उपमहानगरपालिका नगर कार्यपालिकाको कार्यालयले रक्त सञ्चार केन्द्र वीरगन्जको प्राविधिक सहयोगमा आयोजना गरेको रक्तदान कार्यक्रममा ५ महिलासहित जम्मा ५४ जनाले रक्तदान गरेका हुन् ।
रक्तदान गर्नेहरूमा मातृका पौडेल, सुरज पुन मगर, चूडामणि काफ्ले, ललित किशोर, हासमुद्दिन अन्सारी, सिद्धार्थ चौधरी, सपना बम्जन,सुष्मा तामाङ लगायतका रहेको नेपाल रेडक्रस सोसाइटी रेशमकोठी उपशाखाका सह–कोषाध्यक्ष अभिलाष गुप्ताले जानकारी दिए ।
जीतपुरसिमरा उपमहानगरपालिकाका मेयर राजन पौडेलको प्रमुख आतिथ्यतामा भएको रक्तदान कार्यक्रममा उपमेयर भोलाप्रसाद अधिकारी,प्रमुख प्रशासकीय अधिकृत शान्तिराज प्रसाइ लगायतकाकोपनि विशेष उपस्थिती रहेको थियो ।