काठमाडौं,११साउनःनेपाल विद्युत प्राधिकरणले खेतमा सिंचाईका लागि प्रयोग हुने विद्यूतीय मोटरहरु राति ९ बजेपछि मात्र चलाउन आग्रह गरेको छ ।
नेपाल विद्युत प्राधिकरण वितरण तथा ग्राहक सेवा निर्देशनालय काठमाडौंले आइतबार एक सूचना जारी गर्दै मनसुन सुरु नभएसम्म सिंचाई प्रयोजनमा प्रयोग हुने मोटरहरु राति ९ बजेपछि मात्र सञ्चालन गर्न आग्रह गरेको हो ।
मधेसका जिल्लाहरुमा हाल खखडेरी र सुख्खाकाका कारण रोपाइ गर्न पानी नभएपछि मोटर तानेर सिँचाइ गरिरहेकाले यस्तो सूचना जारी गरेको प्राधिकरणले जनाएको छ ।यस वर्ष लामो समयदेखि मधेसका जिल्लाहरुमा खडेरीका कारण अत्याधिक गर्मी बढ्न गई वितरण लाइनको संरचनाहरु ओभरलोडमा संचालन भई न्युन भोल्टेजको समस्या देखिएको प्राधिकरणले जनाएको छ ।
साथै बढी विद्युत खपत गर्ने उपकरणहरु कम मात्रामा चलाई विद्युत व्यवस्थापनमा सहयोग गरिदिन अनुरोध समेत प्राधिकरणले गरेको छ ।
