वीरगन्ज,२३जेठःपर्साको पकहामैनपुर गाँउपालिका वडा नम्बर ४ खेस्रहामा शुक्रबार बिहान आगलागगी हुदाँ चार वटा घरगोठ जलेर नष्ट भएको छ । आगलागीमा परेर एउटा भैंसी र एउटा पाडा जलेर घाइतेपनि भएका छन् ।
शुक्रबार बिहान पौने ५ बजेतिर स्थानीय रामाशंकर गिरिको गोठमा विद्युत सर्ट भई आगलागी हुदाँ गिरि र उनका छिमेकी दरोगा गिरिको फुसको घर र गोठ जलेर नष्ट भएका हुन् ।
आगलागीबाट रामाशंकरको घरमा रहेको अन्नपात , लताकपडा र गरगहना जलेर नष्ट हुदाँ करिब ७ लाख रुपैयाँ बराबरको भौतिक क्षति भएको छ भने एउटा भैंसी र एउटा पाडो जलेर घाइते भएका छन् । यस्तै आगलागीबाट दरोगाको पनि फुसको गोठ र घर पुर्णरुपमा जलेर नष्ट हुदाँ ७ लाख ५० हजार बराबरको भौतिक क्षति भएको प्रहरीले जनाएको छ ।