वीरगन्ज,२१माघःबारामा प्रहरीले लागू औषध गाँजासहित दुई वटा मोटरसाइकल नियन्त्रणमा लिएको छ । बाराको सुवर्ण गाँउपालिका वडा नम्बर ३ बकतौराबाट आइतबार राति प्रहरीले ६३ किलो गाँजासहित बागमती प्रदेश–०२०४१ प ५७३७ र ना. ६३ प ३९८८ नम्बरको मोटरसाईकल नियन्त्रणमा लिएको हो ।
विशेष सूचनाको आधारमा ईलाका प्रहरी कार्यालय सिम्रौनगढ र प्रहरी चौकी अमृतगन्ज खजानीबाट खटिएको संयुक्त प्रहरी टोलीले बकतौरामा भारततर्फ जाँदै गरेको ती दुवै मोटरसाईकल रोकेर चेकजाँच गर्न खोज्दा चालकहरु मेटरसाइकल छाडेर फरार भएका थिए । त्यसपछि प्रहरीले दुबै मोटरसाईकलमा लोड रहेको समान खोलेर हेर्दा ६३ केजी गाँजा फेला परेको बाराका प्रहरी प्रवक्ता प्रहरी नायब उपरीक्षक प्रकाश सापकोटाले जानकारी दिए ।
गाँजासहित बरामद दुवै मोटरसाईकल समेत नियन्त्रणमा लिएर अनुसन्धान प्रक्रिया अगाडि बढाइएको प्रहरी नायब उपरीक्षक सापकोटाले जानकारी दिए ।