वीरगन्ज,१०माघ:वीरगन्ज महानगरपालिका वडा नम्बर ३१ मा पर्ने भेडाहा खाेलामा अवैध रुपमा नदीजन्य पदार्थको उत्खनन् र तस्करीमा प्रयोग गरिएका २ वटा ट्याक्टर प्रहरीले नियन्त्रणमा लिएको छ ।ईलाका प्रहरी कार्यालय पटेर्वा सुगौलीबाट खटिएको प्रहरी टोलीले ती ट्याक्टर नियन्त्रणमा लिएको हो ।
प्रहरीले भेडाहा खोलामा पसेर बालुवा लोड गरेकाे प्रदेश २ -०३-०१ त १८०६ र ना ६ त १७५९ नम्बरको ट्याक्टर बिहीबार नियन्त्रणमा लिएको हाे।
नियन्त्रणमा लिइएका बालुवासहितको दुवै ट्याक्टर ईलाका प्रहरी कार्यालय पटेर्वा सुगोलीमा राखेर थप कारबाहीका लागि वीरगन्ज महानगरपालिकाकाे कार्यालयमा पठाइएको प्रहरीले जनाएको छ।