काठमाडौं,३१बैशाखःजनता समाजवादी पार्टी (जसपा) नेपालका अध्यक्ष उपेन्द्र यादवले आफनो दलको नेतृत्वमा रहेको मधेस प्रदेश सरकार जोगाउन लोसपाका अध्यक्ष महन्थ ठाकुरलाई गुहारेका छन् ।
मधेस सरकारबाट माओवादी केन्द्र र एमालेले समर्थन फिर्ता लिएपछि संकटमा परको जसपा नेपालका सरोज कुमार यादव नेतृत्वको मधेस सरकार जोगाउनका लागि अध्यक्ष यादवले लोसपा अध्यक्ष ठाकुरलाई गुहारेका हुन् । यसैक्रममा अध्यक्ष यादव सोमबार लोसपा अध्यक्ष ठाकुरलाई भेट्न सोमबार लोसपा कार्यालय पुगेका थिए । उनले मधेस सरकारमा सहकार्यका लागि सहयोग मागेको लोसपाका एक नेताले बताएका छन् ।
तर लोसपा अध्यक्ष ठाकुरले भने भर्खरै प्रस्ताव आएको र यस विषयमा सल्लाह गरौंला भन्ने जवाफ यादवलाई दिएको तीन नेताले बताए । लोसपाका ती नेताले भने, ‘पहिले मधेसका मुख्यमन्त्रीको विश्वासको मत र अशोक राई नेतृत्वको जसपाको दल सनाखत प्रक्रिया सम्म कुर्छौं ।’
आइतबार नेकपा एमाले र माओवादी केन्द्रले सरकार छाडेपछि मधेस प्रदेशमा जसपा नेपालका नेता मुख्यमन्त्री सरोजकुमार यादव नेतृत्वको सरकारले विश्वासको मत लिनुपर्ने अवस्था आएको छ ।