सर्लाही,२०बैशाखःसर्लाहीमा बिहीबार बिहान स्कूटर दुर्घटना हुदाँ एक जना महिलाको मृत्यु भएको छ । दुर्घटनामा ती महिलाका छोरा गम्भीर घाइते भएका छन् । दुर्घटनामा सलाहीको ईश्वरपुर नगरपालिका वडा नम्बर ४ सागरनाथकी ४० बर्षिया देवी माया थापा मगरको मृत्यु भएको हो । उनका छोरा ११ बर्षिय श्रवण थापा मगर गम्भीर घाइते भएका छन् ।
बिहीबार बिहान साढे १० बजेतिर सागरनाथस्थित सडकमा देवीमायाले चलाएको बा ५४ प ६३०७ नम्बरको स्कूटर घुम्तीमा अनियन्त्रित भई सडक नजिक राखिएको टायरगाढामा ठोक्किएर दुर्घटना भएको प्रहरीले जनाएको छ ।
घाइते बालक श्रवणको लालबन्दीस्थित मोडेल अस्पतालमा सामान्य उपचारपछि थप उपचारका लागि काठमाडौँ पठाइएको इलाका प्रहरी कार्यालय केशरगञ्जका प्रहरी निरीक्षक मानप्रसाद श्रेष्ठले जानकारी दिए।