बारा,२३चैत:वीरगन्ज युनाईटेडले तेस्रो डुमरवाना गोल्डकप फुटबल प्रतियाेगिताको उपाधि जितेको छ।शुक्रबार भएको फाईनल खेलमा चितवनकाे भरतपुर फुटबल क्लबलाई १–० गोल अन्तरले पराजित गर्दै विरगन्जले उपाधि जितेको हो ।
विरगन्जका अभिषेक चौधरीेले गरेकाे एक मात्र गाेल निर्णायक बन्याे। थिए।उपाधिसंगै वीरगन्जले नगद १ लाख ५० हजार रुपैया प्राप्त गरेको छ ।उपविजेतन भरतपुरले भने ७५ हजारमै चित्त बुझाउनु पर्याे।
प्रतियाेगिताकाे समापन समाराेहमा उपाधि विजेता वीरगन्जलाई जीतपुरसिमरा उपमहानगरपालिकाका मेयर राजन पौडेलले ट्रफी र नगद पुरस्कार प्रदान गरे ।
प्रतियोगितामा विरगन्ज युनाईटेडकै बिपिन तुम्सिङ मगर म्यान अफ द सिरिज घोषित भए । यस्तै उत्कृष्ट गोलरक्षक वीरगन्जकै दिलमणी चौधरी, सर्वाधिक गोलकर्ता वीरगन्जकै युवराज खड्का घोषित भए ।
जनमुखी युवा चारपाते क्लबका अध्यक्ष हेम नारायण महतोको अध्यक्षतामा भएकाे समापन कार्यक्रमको सञ्चालन सञ्चारकर्मी प्रदिप गौतमले गरेका थिए । चैत १७ गतेदेखि शुरु भएको प्रतियोगितामा ८ वटा टिमको सहभागिता रहेको थियो ।