वीरगन्ज,२०चैतः जनकपुरमा जारी दोस्रो जनकपुरधाम मेयरकप टि–२० क्रिकेट प्रतियोगितामा पर्साले जीत हात पारेको छ । मंगलबार भएको खेलामा पर्साले सप्तरीलाई ५ विकेटले पराजित गरेको हो ।
रामजानकी बहुउद्देश्य अन्तराष्ट्रिय रंगशालामा भएको खेलमा सप्तरीले दिएको १०४ रनको लक्ष्य पर्साले १६.५ ओभरमा केवल ५ विकेट गुमाएर पुरा गरेको हो । पर्साका लागि अकिब अन्सारीले सर्वाधिक ३४ र मन्जय महतोले अविजित २० रनको योगदान दिए ।
यसअघि टस जितेर पहिलले ब्याटिङ गरेको सप्तरीले निर्धारित २० ओभरमा ९ विकेटको क्षतीमा १ सय ३ रन बनाएको थियो ।सप्तरीका लागि विकास दासले सर्वाधिक अविजित २८ रन र अमित यादवले १७ जन जोडे । पर्साका लागि आकिब अन्सारी र नसरुद्धिन अन्सारीले समान दुई दुई विकेट लिए। खेलको म्यान अफ दी म्याच पर्साका लागि अलराउन्डर प्रदर्शन गरेका आकिब घोषित भए।