वीरगन्ज,१३माघः आयोजक नेशनल ईन्फोटेक कलेजले एनआई कप अन्तर कलेज टि–२० क्रिकेटको उपाधि जितेको छ ।वीरगन्जको नारायणी रंगशालाको क्रिकेट मैदानमा शनिबार भएको फाइनल खेलमा ग्लोबल बिजनेश कलेजलाई ६१ रनको फराकिलो अन्तरले पराजित गर्दै लगातार दोश्रो पटक उपाधि उचालेको हो । यसअघि गतवर्ष भएको दोश्रो संस्करणको उपाधिपनि विजेता पनि नेशनल ईन्फोटेक कलेजले नै जितेको थियो ।
१०९ रनको लक्ष्य पछ्याउँदै जवाफी व्याटिङमा उत्रिएको ग्लोबल बिजनेस कलेजले १४.१ ओभरमा अलआउट हुदैं ४७ रनमै समेटिएपछि उपाधि आयोजकको पोल्टामा पुग्यो ।ग्लोबलका लागि विवेक यादवले १० र रोहन साहले ७ रन बनाउनु बाहेक अन्य व्याटरले खासै रन जोड्न सकेनन् ।
बलिङतर्फ आयोजक नेशनलका वासिम अली मन्सुरी र अरबाज अन्सारीले समान तीन तीन विकेट लिए ।एमडी सरिफ अन्सारीले भने १ विकेट लिए ।
यसअघि टस जितेर पहिले व्याटिङ् गरेको आयोजक नेशनलले १९.५ ओभरमा अलआउट हुदैं १०८ रन बनाएको थियो ।उसका लागि राहुल हकले सबैभन्दा बढी ३२ रन बनाए । सफवान अलीले २५ र वासिम अली मन्सुरीले २० रन जोडे ।
बलिङतर्फ ग्लोबलका आदर्श भण्डारी, रोहन कुमार साह, अनुज कुमार पटेल र विवेक यादवले समान दुई दुई तथा सुजल सर्राफले १ विकेट लिए ।
प्रतियोगीताभर १७ विकेट लिन सफल आयोजक नेशनलकै वासिम अली मन्सुरी प्रतियोगिताको सर्वोत्कृष्ट खेलाडी घोषित भए । यस्तै उत्कृष्ट ब्याटर नेशनलकै सफवान अली तथा उत्कृष्ट बलर हेटाडा स्कुलका प्रिन्जल उपाध्याय घोषित भए ।उत्कृष्ट फिल्डर ग्लोबल बिजनेश कलेजका आदर्श भण्डारी घोषित भए । उत्कृष्ट विकेट किफर हेटौडा स्कुलका साहेब यादव घोषित भए । पुष २६ देखि सुरु प्रतियोगितामा पर्सा, बारा र मकवानपुरका गरी १० वटा कलेजले भाग लिएका थिए ।