वीरगन्ज,०९पुष: वीरगन्जमा जारी नेपाल प्रो-क्लब च्याम्पियनसिप टी–ट्वान्टी क्रिकेट प्रतियोगिता अन्तरगत सोमबार भएकाे दोस्रो खेलमा त्रिभुवन आर्मी क्लबले भारतको युपी–११ लाई ६५ रनले पराजित गरेको छ ।
नारायणी रंगशालाकाे क्रिकेट मैदानमा भएकाे खेलमा १३३ रनकाे लक्ष्यकासाथ जवाफी व्याटिङमा उत्रिएकाे युपी १४.३ ओभरमा ६७ रनमात्र बनाउँदै अलआउट भएपछि आर्मीले सहज जीत हात पारेकाे हाे।
युपीका लागि अल्तमास आलमले सर्वाधिक १६ रन बनाए ।उसका अन्य ब्याटरले उल्लेख्य सङ्ख्यामा रन बनाउन सकेनन् ।बलिङतर्फ आर्मीका पवन कार्की र साहब आलमले तीन–तीन तथा बसिर अहमद र सोमपाल कामीले दुई–दुई विकेट लिए ।
यसअघि टस जितेर पहिले व्याटिङ गरेकाे आर्मीले १९.५ ओभरमा अलआउट हुदैं १३२ रनकाे याेगफल तयार पारेकाे थियाे।आर्मीका लागि ओपनर व्याटर सन्तोष कार्कीले सर्वाधिक ४४ रनको योगदान गरे । उनले ३२ बलमा तीन छक्का र चार चौका हिर्काए । भीम सार्कीले पनि २३ रनको योगदान गरे । साहब आलमले २२ र बसिर अहमदले १४ रन जोडे।बलिङतर्फ युपीका वासी अन्सारी एक्लैले तीन विकेट लिए ।