वीरगन्ज,१९मंसिर:पर्सामा स्याउला टिप्न रुखमा चढेका बेला करेन्ट लागेर एक जनाकाे मृत्यु भएको छ।मृत हुनेमा पर्साकाे पटेर्वा सुगाैली गाँउपालिका वडा नम्बर ५ मनिहर्वाका चाेकट साह तेली रहेका छन्।मंगलबार दिउँसो १ बजेतिर बाख्राका लागि स्याउला टिप्न घर नजिकैको रुखमा चढेका बेला ११ हजार भाेल्टकाे तारमा छुन पुग्दा करेन्ट लागेर तेलीकाे घटनास्थलमै मृत्यु भएकाे प्रत्यक्षदर्शी स्थानीय शिक्षक हरिराज प्रसाद यादवले बताए ।
तेलीकाे शव पाेष्टमार्टमका लागि वीरगन्जस्थित नारायणी अस्पतालमा पठाइएको ईलाका प्रहरी कार्यालय पटेर्वा सुगाैलीका प्रहरी निरीक्षक रामराजा केशरीले जानकारी दिए।