वीरगन्ज,२८कार्तिक:वीरगन्ज महानरपालिकाकाे वडा नम्बर ११ रानिघाटस्थित किताब पसलको गोदाममा साेमबार साँझ आगलागी हुदाँ १० लाख भन्दा बढीकाे क्षति भएको छ ।
रानिघाटमा रहेकाे चौरसिया बुक्स एण्ड जेनरल स्टोरको गोदाममा सोमबार साँझ आगलागी भएको प्रहरीले जनाएको छ ।
किताब पसल नजिकै रहेको गोदाममा बालिएको दियोले आगो सल्केर भएको आगलागीबाट गोदाममा राखिएको किताब र स्टेशनरी सामग्री गरि १० लाख भन्दा बढीको क्षती भएको पिडित रामनारायण प्रसाद चौरसियाले जानकारी दिए ।
स्थानिय र नेपाल प्रहरीको सहयोगमा आगो नियन्त्रणमा आएको उनले बताए ।