बारा,३कार्तिक: बारामा प्रहरीको नाममा तस्करसँग पैसा असुली गर्ने एक जनालाई प्रहरीले नियन्त्रणमा लिएको छ ।
पक्राउ पर्नेमा बाराको कलैया उपमहानगरपालिका वडा नम्बर १० मटिअर्वा निवासी ३७ वर्षीय मनोजकुमार सहनी रहेको प्रहरीले जनाएको छ ।
प्रहरीका अनुसार सहनीले मटिअर्वा नाकाबाट अवैध रूपमा राजश्व छली गरेर एलईडी ल्याइरहेको तस्करसँग बाराका प्रहरी उपरीक्षक (एसपी) र प्रहरी नायब उपरीक्षक (डिएसपी) को नाममा तस्करसँग रकम मागेका थिए ।
पक्राउ परेका सहनीलाई जिल्ला प्रहरी कार्यालयकाे हिरासतमा राखेर थप अनुसन्धान भइरहेकाे बाराका प्रहरी नायब उपरीक्षक दधिराम न्याैपानेले जानकारी दिए।