मधेसखबर
वीरगन्ज,६फागुन : भक्तपुरमा जारी अन्तरनगर पुरुष खो खो प्रतियोगितामा वीरगन्ज महानगरपालिकाले विजयी शुरुवात गरको छ ।
प्रतियोगिताको दोश्रो दिन शनिबार भएको आफनो पहिलो खेलमा वीरगन्ज महानगरको टिमले बनेपा नगरपालिकाको टिमलाई २३–४ को सोझो सेटमा पराजित गरेको हो ।
वीरगन्जले आफनो दोश्रो खेलमा शनिबार अपरान्ह आयोजक भक्तपुरको बी टिमसंग प्रतिस्पर्धा गर्ने वीरगन्जका टिम म्यानेजर अमित अग्रवालले जानकारी दिए । दोश्रो खेल पनि जिते वीरगन्ज क्वार्टर फाइनलमा प्रवेश गर्ने पनि उनले बताए ।
भक्तपुर नगरपालिकाको आयोजनामा शुक्रबार देखि शुरु प्रतियोगितामा देशका विभन्न १४ पालिकाका टिमले भाग लिएका छन् । प्रतियोगिताको फाइनल खेल फागुन ९ गते हुनेछ ।