मधेसखबर
वीरगन्ज,०३ माघ : वीरगन्जबाट प्रहरीले राजश्व छलेर भित्रयाइएका सामान सहित एउटा ट्रक र ट्याक्टर नियन्त्रणमा लिएको छ ।
वीरगन्ज महानगरपालिका वडा नम्बर २५ सिर्सिया चोक स्थित सडकखण्डबाट प्रहरीले ४० लाख रुपैया मुल्यको सामान सहित ट्रक र ट्याक्टर नियन्त्रणमा लिएको हो ।
भारतबाट तस्करीको सामान बोकेर ट्रक र ट्याक्टर वीरगन्ज आउदै गरेको सूचना पाएपछि वडा प्रहरी कार्यालय श्रीपुरबाट प्रहरीको टोली खटिएको थियो । प्रहरीको टोलीले सिर्सिया स्थित सडकखण्डमा ना ३ ख ८२३ नम्बरको मालवाहक ट्रक र बीआर ०५ जि सि ०२१५ नम्बरको ट्याक्टर रोकेर चेकजाँच गर्दा विल बिजक नभएका ४० लाख रुपैया मुल्यको लत्ताकपडा र खुद्रा सामान बरामद भएको पर्साका प्र्हरी नायब उपरिक्षक दिपक गिरिले बताए ।
बरामद सामान सहितको ट्रक मङगलबार अनुसन्धान तथा आवश्यक कारबाहीको लागि राजश्व अनुसन्धान कार्यालय पथलैया बारामा बुझाइएको जानकारी उनले दिए ।