मधेसखबर
वीरगन्ज, १८ कार्तिक : वीरगन्ज महानगरपालिका वडा नम्बर १ बजार छपकैयामा एउटा घरको छतबाट खसेर एक नाबालिकाको मृत्यु भएको छ । स्थानीय मुकेश ठाकुरकी छोरी २ वर्षीया सजना ठाकुरको छतबाट खसेर मृत्यु भएको हो ।
शुक्रबार बिहान साढे ११ बजे छतको बाल्कोनीमा खेलिरहेकी बेला सजना अचानक तल खसेर टाउकोमा चोट लागेर गम्भिर घाईते भएकी थिईन् । उनलाई उपचारको लागी नारायणी अस्पतालमा लगिएको थियो ।
त्यहा उपचार हुन नसकेपछि उनलाई थप उपचारका लागि एल.एस.न्युरो अस्पतालमा लगिएकोमा उपचारकै क्रममा साँझ ५ बजे उनको मृत्यु भएको पर्साका प्रहरी प्रवक्ता प्रहरी नायब उपरीक्षक दिपक गिरीले जानकारी दिए ।