मधेसखबर
वीरगन्ज,०३ कात्तिक : पर्सा क्षेत्र नम्बर ३ को (क) को प्रदेशसभा सदस्यमा नेपाल सुशासन पार्टीबाट चुनावी मैदानमा उत्रिएका युवा नेता शिव कुमार साहको समर्थनमा युवाहरु आफै चुनाव प्रचार प्रसारमा जुटेका छन् ।
राजनीतिमा अब युवाहरुको हस्तक्षेपकारी भूमीका आवश्यक भइसकेको भन्दै त्यस क्षेत्रका युवाहरुले साहको पक्षमा चुनावी प्रचार प्रसार अभियानलाई तिब्र पारेका छन् । चुनावी घरदैलो कार्यक्रमका क्रममा गाँउ गाँउमा साह पुग्दा युवाहरु स्वस्फूर्त रुपमा भेला भएर मतदाताको घर घरमा पुगेर साहको पक्षमा मतदान गर्न आग्रह गर्दै आएका छन् ।
युवाले नै देशको बिडो थाम्न सक्ने र देशलाई नयाँ दिशामा लैजान सक्ने भएकाले युवा उम्मेदवार साहलाई नै जिताउनु पर्ने उनको समर्थनमा लागेका युवाहरुको भनाइ छ ।
यसैक्रममा प्रदेशसभा सदस्यका उम्मेदवार साहले बिहीबार पटेर्वा सुगौली गाउँपालिका वडा नंबर ४ मा घरदैलो कार्यक्रम गरेका छन् । घरदैलो कार्यक्रमका क्रममा युवासंगै आम मतदाताहरुबाट पाइरहेको समर्थनले आफु अझ उत्साहित बनेको उम्मेदवार साहले सन्चारकर्मीलाइ प्रतिक्रिया दिए । उनले भने ,‘ अब पुराना नेताको काम छैन , जनताको चाहना अब युवा नै आओस् भन्ने छ ।
त्यहि कारण आफुलाई जसपाले टिकटबाट बन्चित गरेपछि सुशासनको एजेन्डा लिएर हिडेको सुशासन पार्टीलाइ रोजेको र उसले आफुहरु जस्ता युवाहरुको क्षमतालाई पहिचान गरेर उम्मेदवार बनाएको साहले बताए ।