मधेसखबर
वीरगन्ज ,०१ असाेज : छठ पूजा व्यवस्थापन समिति घडीअर्वाकाे नयाँ नेतृतब चयन गरिएकाे छ ।
वीरगन्ज १० घडीअर्वा पाेखरी परिसरमा शनिबार सम्पन्न स्थानीयकाे भेलाले आगामी छठ पूजाकाे व्यवस्थापनका लागि नयाँ कार्य समिति चयन गरेकाे हाे ।
भेलाले हिरालाल साह कानुकाे अध्यक्षतामा ११ सदस्यीय कार्य समिति चयन गरेकाे ।समितिकाे उपाध्यक्षमा दिलिप साह कानु, सचिवमा सन्ताेष साह कानु , सहसचिवमा मुन्ना साह कानु र काेषाध्यक्षमा तिलक साह रहेका छन् । सदस्यहरुमा राजाबाबु साह कानु , साेनालाल गुप्ता , परशुराम साह कानु , दिपक साह कानु ,उमा साह कानु र क्रान्ति साह रहेका छन् ।
भेलाले समितिकाे विधान तयार गरि जिल्ला प्रशासन कार्यालयमा दर्ताको लागि सन्ताेष साह कानुकाे संयाेजकत्वमा ७ सदस्यीय समिति पनि गठन गरेकाे समितिका निवर्तमान सचिव लखनलाल साह कानुले जानकारी दिए ।
भेलामा निवर्तमान अध्यक्ष प्रेम साह कानुले २०७८ काे छठ पूजा व्यवस्थापनमा भएकाे आम्दानी र खर्च विवरण सार्वजनिक गरेका थिए । उनका अनुसार २०७८ काे छठ पूजामा १६ लाख ४१ हजार रुपैया आम्दानी भएकाेमा १४ लाख ३६ हजार रूपैया खर्च भएकाे थियाे । गत बर्षकाे छठ पूजामा २ लाख ४ हजार रूपैया बचत भएकाे साहले जानकारी गराएका थिए ।