मधेशखबर
असाढ २७ , २०७९ वीरगंज सिरहा र धनुषा जोड्ने कमला नदीको छेउमा दुई युवकको शव फेला परेको छ ।
सिरहाको कर्जन्हा नगरपालिका १ स्थित बन्दीपुरका १७ वर्षीय मोहम्द अलि र भारतको बिहार राज्य घर भएका १९ वर्षीय जफर शेखको सोमबार शव फेला परेको प्रहरीले जनाएको छ ।
दुबैजना ज ९ प ६१९४ नम्बरको बुलेट मोटरसाइकल लिएर उत्तर बाहिनी गएका थिए ।
प्रहरीले शव फेला परेका दुबैजना मामा भान्जा रहेको र नदीले बगाएर दुबैजनालाई कमला नदिको छेउमा पुर्याएको प्रारम्भीक अनुसन्धानबाट खुलेको इलाका प्रहरी कार्यालय मिर्चैयाका प्रहरी नायव उपरीक्षक हरि वलीले बताए ।
दुबै शवलाई पोष्टमार्टमका लागि लहान पठाइएको र थप अनुसन्धान भइरहेको प्रहरीले जनाएको छ ।