प्रमोद यादव
वीरगन्ज,१७असार : पर्सामा प्रहरीले ठगी मुद्धाका एक फरार अभियुक्तलाइ पक्राउ गरेको छ । पक्राउ पर्नेमा पर्साको पटेर्वा सुगौली गाँउपालिका वडा नम्बर १ गदियाननप्का गणेश सहनी भन्ने गणेश चौधरी रहेका छन् ।
ईलाका प्रहरी कार्यालय पटेर्वा सुगौलीका प्रहरी निरीक्षक किशोर आचार्यको नेतृत्वमा खटिएको प्रहरी टोलीले चौधरीलाइ पक्राउ गरेको हो । ठगी मुद्धा पर्सा जिल्ला अदालतले एक वर्ष कैद र ५० हजार रुपैया जरिवानाको फैसला गरेपछि चौधरी फरार रहदै आएका थिए ।
विशेष सुचनाको अधारमा शुक्रबार बिहान उनको घरबाटै पक्राउ गरिएको पर्साका प्रहरी उपरीक्षक रमेश कुमार बस्नेतले जानकारी दिए ।