तस्बिर : दीपक अग्निरथ
वीरगन्ज,३जेठः वीरगन्ज नाका हुदैं शंकास्पद रुपमा भारत प्रवेश गर्दै गरेको एक चिनीया नागरिकलाई भारतीय सीमा सुरक्षा बल (एसएसबी) ले नियन्त्रणमा लिएको छ ।नेपाल भारत सीमाको मितेरी पुलबाट एसएसबीले ५७ वर्षीय चिनिया नागरिक याओ शुझांगलाई नियन्त्रणमा लिएको हो ।
गत शुक्रबार वीरगन्ज नाका हुदैं रक्सौल जाँदै गरेको अवस्थामा शुझांगलाई एसएसबीले रोकेर सोधपुछ गर्दा उनको साथामा पासपोर्ट भएपनि भारत प्रवेशका लागि भिसा भने नरहेपछि नियन्त्रणमा लिएको हो ।
प्रारम्भिक अनुसन्धानका क्रममा , एसएसबीको नियन्त्रणमा रहेका चिनीया नागरिक शुझांगले आँफु खेलौनाका सामानको व्यपारी रहेको बताएका छन् । उनको साथबाट लड़ाकू विमान स्पाइडर मैंन मुखौटा सहितका खेलौना पनि बरामद भएको एसएसबीले जनाएको छ ।
गत मे ११ तारिकमा काठमाडौं पुगेका उनि चितवन पुगेको र त्यहाँबाट उनि वीरगन्ज आएर शंकराचार्य गेट हुदैं गत शुक्रबार रक्सौल प्रवेश गर्न लागेका बेला एसएसबीले मितेरी पुलबाट नियन्त्रणमा लिएको हो ।एसएसबीको नियन्त्रणमा रहेका शुझांगले चाइनीज भाषामात्रै बोलिरहेका कारण अनुसन्धानमा कठिनाई भइरहेको रक्सौल एडीपीओ मनीष आनन्दले बताए ।