काठमाडौं,२७ वैशाख:राष्ट्रिय स्वतन्त्र पार्टी (रास्वपा) ले पार्टी हितविपरीत गतिविधिमा संलग्न रहेको भन्दै विभिन्न जिल्लाका १५ जना सदस्यहरूको सदस्यता खारेज गर्ने निर्णय गरेको छ ।
आइतबार बसेको पार्टी केन्द्रीय सचिवालय बैठकले उक्त निर्णय गरेको प्रवक्ता मनिष झाले जानकारी दिए । बैठकले मधेस प्रदेश समितिको सिफारिसका आधारमा बारा जिल्ला समिति विघटन गर्ने निर्णय पनि गरेकाे छ।साथै बारामा जिल्ला अधिवेशनको तयारी गर्ने निर्णयसमेत गरेको झाले जानकारी दिए ।
यस्तै, बैठकले वडा, पालिका र जिल्ला तहका भेला तथा अधिवेशनको विशेष तालिका स्वीकृत गर्नुका साथै विभिन्न विभाग तथा तहमा नयाँ जिम्मेवारीसमेत तोकेको छ ।रास्वपाले पार्टी केन्द्रीय समितिको बैठक वैशाख ३० गते बस्ने जनाएको छ ।